جہلم: لرنر اور ڈرائیونگ لائسنس کی فیسوں میں اضافہ، مہنگائی کی چکی میں پسے شہری پھٹ پڑے

جہلم: مہنگائی کی چکی میں پسے شہری لرنر اور ڈرائیونگ لائسنس کی فیسوں میں ہوشربا اضافے کی وجہ سے پھٹ پڑے۔

پنجاب حکومت کی جانب سے ڈرائیونگ لائسنس کی فیسوں میں ہوشربا اضافے کا فیصلہ کیا گیاہے، یکم جنوری 2024سے لرنرز ڈرائیونگ لائسنس کی فیس 60 روپے نہیں بلکہ ایک ہزار روپے ادا کرنا ہوں گے۔

ایل ٹی وی ، ایچ ٹی وی، پی ایس وی لائسنس کی فیسوں میں بھی غیر معمولی اضافے کی شنید ہے ۔یکم جنوری2024 سے قبل دی گئی درخواستوں پر ڈرائیونگ لائسنس موجودہ فیس پر بنائے جائیں گے۔

شہریوں نے ڈرائیونگ لائسنس فیسوں میں اضافے پر شدید رد عمل کا اظہار کرتے ہوئے کہا ہے کہ لرنر اور ڈرائیونگ لائسنس کی فیسوں میں ہوشربا اضافہ غریب ، مزدور ، محنت کش طبقہ کے ساتھ زیادتی کے مترادف ہے ، مہنگائی کے مارے لوگوں کی مالی مشکلات مزید بڑھ جائیں گی، پنجاب حکومت ڈرائیونگ لائسنس فیسوں میں اضافے کو فوری واپس لے۔

دوسری طرف پولیس خدمت مراکز میں لائسنس بنوانے کے لیے ڈرائیونگ لائسنس کے امیدواروں کا رش مسلسل برقرار ہے۔جس کیوجہ سے شہریوں کو لائسنس کے حصول کے لئے مشکلات درپیش ہیں ۔

شہریوں نے آئی جی پنجاب ڈاکٹر عثمان انور سے مطالبہ کیاہے کہ ضلع جہلم کے تمام تھانوں کے فرنٹ ڈسک پر لرننگ لائسنس جاری کرنے کے احکامات جاری کئے جائیں تاکہ ٹریفک دفتر سے رش کا خاتمہ ممکن ہو سکے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button