جہلم: چوہدری لال حسین نے کہا ہے کہ قائد مسلم لیگ (ن) میاں محمد نواز شریف پاکستان کیلئے تعمیر و ترقی و خوشحالی کی کنجی اور واحد چوائس ہیں، اْن کی پاکستان آمد مشکلات میں گھری عوام کیلئے خوشحالی کا پیغام ہے۔ سابق وزیر اعظم میاں محمد نواز شریف کی سیاست کے خاتمے کا واویلا کرنے والے ” اب وہ دوبارہ پاکستانی سیاست میں کبھی نظر نہیں آئیں گے۔
پاکستان مسلم لیگ (ن) کے صوبائی رہنما سابق ایم پی اے چوہدری لال حسین نے اپنے بیان میں کہا کہ میاں محمد نواز شریف پاکستان میں آتے ہی چھا گئے عوام کے ٹھاٹھیں مارتے سمندر نے اپنے محبوب قائد کا مینار ِ پاکستان میں استقبال کرکے نئی تاریخ رقم کردی۔ نام نہادوں کے یہ دعوے اور اعلانات دراصل فرعونیت تھی ، دوسری طرف قائد عوام میاں محمد نواز شریف کا عجز اور صبر تھا جس کا اللہ رب العزت نے آج مسلم لیگ ن کو پھل دیا۔
انہوں نے کہا کہ مسلم لیگ (ن) نے اپنے دور اقتدار میں ملک بھر سے دہشت گردی اور لوڈشیڈنگ کا خاتمہ، ایٹمی طاقت، میٹرو بسیں، میٹرو اورنج ٹرین ،موٹر وے، سڑکوں کے جال بچھائے ،سی پیک سمیت بڑے میگا پر جیکٹس سابق وزیر اعظم میاں محمد نواز شریف کے مرہون منت ہیں۔
رہنما مسلم لیگ ن نے کہا کہ لاکھوں نوجوانوں میں لیپ ٹاپ تقسیم کئے ، مگر نام نہاد ریاست مدینہ کے دعویداروں نے اپنے دور میں نوجوان نسل میں ناچ گانا متعارف کرایا ، نوجوانوں اور بچیوں کا اخلاق تباہ کرنے میں اہم کردار ادا کیا، اب عوام کی محبت سے ہر طرف نواز شریف ہی نو از شریف نظر آرہا ہے ، انہیں ہٹانے اور مٹانے کی خواہش رکھنے والے کہیں نظر نہیں آرہے۔
چوہدری لال حسین نے کہا کہ قائد عوام میاں محمد نواز شریف 2018 ء میں ملک دشمن سازشوں کے ذریعے جہاں پر تعمیر وترقی و خوشحالی کا سفر زبردستی ختم کیا گیا تھا وہیں سے انشاء اللہ دوبارہ شروع کرکے واپس اسی حال میں لیکر آئیں گے، سابق وزیر اعظم میاں محمد نواز شریف ہی پاکستان کو آگے لے جانے کی واحد کنجی ہیں اور قوم کو متحد کر کے پاکستان کو بحرانوں سے نکالنے کا ہنر اْن کے علاوہ کسی دوسرے کے پاس نہیں۔
انہوں نے کہا کہ قائد مسلم لیگ (ن) نواز شریف نے آعادہ کیا ہے کہ اْن کے دل میں کسی کیلئے کوئی انتقام نہیں ، میں چاہتا ہوں کہ میر املک پاکستان ترقی کرے، اس کی معیشت مضبوط ہو، قوم خوشحال ہو ، ہم سب آئین کے مطابق ملکی تعمیر و ترقی و خوشحالی کیلئے اپنا کردار ادا کریں گے۔
اس موقع پر چوہدری راشد گھرمالہ، ضلعی صدر مسلم لیگ ن چوہدری بوٹا جاویدسمیت دیگر اہم شخصیات بھی موجود تھیں۔
