دینہ/ راولپنڈی: گرلز ایتھلیٹکس چیمپئن شپ کا گورنمنٹ پوسٹ گریجویٹ بوائز کالج سیٹلائیٹ ٹاؤن میں انعقاد ہوا جس میں ڈویژن بھر سے 19 کالجز نے حصہ لیا۔
ڈپٹی ڈائریکٹر کالجز امجد اقبال خٹک، پروفیسر ڈاکٹر فریحہ، پروفیسر ڈاکٹر اتھر قسیم اور پروفیسر نجمہ انور نے چیمپئن شپ کا افتتاح کیا۔
چیمپئن شپ میں 12 ٹریک اینڈ فیلڈ ایونٹس منعقد کروائے گئے جس میں 100 میٹر ، 200 میٹر ، 1500 میٹر اور 800 میٹر ریس، جیولن تھرو، ڈسک تھرو، شاٹ پٹ، لانگ جمپ، ہائی جمپ، 100×4 میٹر ریلے ریس، 400 میٹر ریس، 400xx4 ریلے ریس شامل تھے۔
ڈسٹرکٹ جہلم نے 45 پوائنٹس کے ساتھ چیمپئن شپ اپنے نام کی، ڈسٹرکٹ راولپنڈی نے 39 پوائنٹس کے ساتھ دوسری پوزیشن حاصل کی اور عظمیٰ بی بی گورنمنٹ ایسوسی ایٹ کالج برائے خواتین کلر سیداں راولپنڈی 10 پوائنٹس کے ساتھ بیسٹ ایتھلیٹ قرار پائیں۔
آل 29 پوائنٹس کے ساتھ گورنمنٹ ایسوسی ایٹ کالج برائے خواتین دینہ نے چیمپئن ہونے کا اعزاز حاصل کیا اور گورنمنٹ گریجویٹ کالج جہلم نے دوسری پوزیشن حاصل کی۔
مذکورہ بالا چیمپئن شپ کی میزبانی پرنسپل پروفیسر زبیدہ گورنمنٹ ایسوسی ایٹ کالج برائے خواتین بھون چکوال اور پرنسپل پروفیسر سوریہ گورنمنٹ ایسوسی ایٹ کالج برائے خواتین فتح جنگ اٹک نے کی۔
