سوہاوہ: سوئی سدرن گیس کی سروے ٹیم کا سوہاوہ میونسپل کمیٹی میں سوئی گیس کے سروے کے حوالے سے اہم مشاورتی اجلاس کیا گیا۔
وزیر اعلی پنجاب مریم نواز کے یوتھ کوآرڈینیٹر نقاش سعید کیانی، ایم این اے بلال اظہر کیانی کے کوآرڈینیٹر راجہ تفضل علی، راجہ ابرار وحید، راجہ قاسم علی، راجہ شارق، غلام حسین کیانی، عاصم کیانی، راجہ طاہر، عباس حیدر، شیخ عمر سمیت شہر بھر سے معززین علاقہ، تاجر برادری سیاسی و سماجی شخصیات نے شرکت کی۔
سروے ٹیم کے انچارج ماجد علی سمیت ایم این اے بلال اظہر کیانی کے ترجمان کرنل ریٹائرڈ قیصر کیانی نے حاضرین اور اہلیان علاقہ کو بریفنگ میں بتایا کہ ان شاء اللہ آج سے ہی سروے ٹیم اپنے سروے کا آغاز کر رہی ہے جو ان شاء اللہ ایک ماہ تک مکمل کر لیا جائے۔
راجہ تفضل علی اور راجہ نقاش کیانی نے بتایا کہ الیکشن میں بلال اظہر کیانی کی طرف سے سوہاوہ ہے، دیرینہ مسائل اور خوابوں کی تعبیر کو عملی جامع پہنایا جا رہا ہے اور ان کی ٹیم نے اپنا کام شروع کر رکھا ہے۔ ڈی جی سوئی نادرن گیس کی طرف سے گیس کی منظوری دے دی گئی ہے۔
انہوں نے کہا کہ ماضی میں ہونے والے سروے کا ریکارڈ ہی موجود نہیں جس وجہ سے دوبارہ سروے کروایا جا رہا ہے۔ پہلے مرحلے میں سوہاوہ، دینہ اور انڈسٹری ایریا راٹھیاں میں سروے مکمل کر کے چھ ماہ میں گیس کی فراہمی کو ممکن بنانے کے لیے تمام وسائل بروئے کار لائیں گے۔
ان کا کہنا تھا کہ سروے غیر سیاسی بنیادوں پر کروایا جا رہا ہے اور بلا تفریق سوہاوہ کی عوام کا دیرینہ خواب پورا کیا جائے گا۔
انہوں نے کہا کہ اس بجٹ میں فنڈ کی فراہمی کے بعد پہلے مرحلے میں وفاقی منصوبوں کو پایا تکمیل پر پہنچانے کے لیے جلد آغاز کر دیاجائے گا جبکہ اگلے مرحلے میں پنجاب سے بھی بھاری فنڈ کا اجراء کروایا جائے گا اور جلد پانی کا مسئلہ مستقل بنیادوں پر حل کیا جائے گا۔
