جہلم: چوہدری غلام احمد زمرد نے کہا کہ حلقہ پی پی 25میں ندیم خادم کی حمایت کروں گا، وہ میرے قبیلہ کا حصہ ہے۔ کسی نئی سیاسی جماعت میں شمولیت نہیں کی، تمام سیاسی جماعتوں کے امیدواروں نے الیکشن میں سپورٹ کے لئے رابطے کیے۔
پی ٹی آئی ضلع جہلم کے سابق ضلعی صدر، جہلم کی نامور سیاسی شخصیت اور سابق تحصیل ناظم چوہدری غلام احمد زمرد نے مسلم لیگ ن کے حلقہ پی پی 25 سے امیدوار چوہدری ندیم خادم سے اپنی رہائش گاہ پر ملاقات کے بعد گفتگو کرتے ہوئے کہا کہ کچھ عرصہ سے سیاسی سرگرمیاں منقطع کی ہوئی تھیں۔ تمام سیاسی جماعتوں کے دوست میری حمایت حاصل کرنے کے لئے مجھ سےرابطے اور ملاقاتیں کر رہے تھے۔
انہوں نے کہا کہ ہم نے موجودہ صورت حال کو مدنظر رکھتے ہوئے چوہدری ندیم خادم کی مکمل حمایت کا فیصلہ کیا ہے کیونکہ وہ ہمارے قبیلے کا حصہ ہے اور اس کا بھرپور ساتھ دیں گے۔
