جہلم: قائداعظم محمد علی جناحؒ کی شخصیت کسی تعارف یا خراج تحسین کی محتاج نہیں۔ ان کا ذکر ہمیشہ ان کی بے لوث جدوجہد، خدمت اور پاکستانی قوم پر ان کے احسانات کو یاد رکھنے کا ذریعہ رہا ہے۔
ان خیالات کا اظہار ڈپٹی کمشنر جہلم میثم عباس نے تبلیغ اسلام سکول میں منعقدہ یومِ قائد کی تقریب سے خطاب کرتے ہوئے کیا۔ انہوں نے کہا کہ قائداعظمؒ کے یومِ پیدائش کے موقع پر ہمیں یہ عہد کرنا ہوگا کہ ان کے فرمودات اور ارشادات کی روشنی میں پاکستان کو ترقی اور خوشحالی کی راہ پر گامزن کریں گے۔
تقریب میں ایڈیشنل ڈپٹی کمشنر جنرل صباء سحر، اسسٹنٹ کمشنر شمس الرحمٰن اور دیگر اعلیٰ افسران نے شرکت کی۔ تقریب کے دوران ڈپٹی کمشنر نے یومِ قائد کی مناسبت سے کیک کاٹا اور سکول انتظامیہ کے ساتھ ملاقات کی۔
اس موقع پر سکول کے ایک ہونہار طالب علم کے تیار کردہ ایف16 ماڈل کے ڈرون جہاز کا مشاہدہ کیا۔ طالب علم کی غیر معمولی صلاحیتوں کو سراہتے ہوئے ڈپٹی کمشنر نے کہا کہ ایسے باصلاحیت طلبا ہی ہمارے روشن مستقبل اور قائداعظم کے خوابوں کے پاکستان کی حقیقی تصویر ہیں۔
