جہلم: چوہدری عابد محمود نے کہا ہے کہ پاک فوج نے افغانستان کی جانب سے کی جانے والی حالیہ اشتعال انگیزی کا جس جرات اور حکمت عملی سے جواب دیا ہے، وہ پوری قوم کے لیے فخر کا باعث ہے۔
چیئرمین جہلم پریس کلب چوہدری عابد محمود نے اپنے ایک بیان میں کہا کہ پاکستان کی سرحدوں کی حفاظت اور قومی سلامتی کے لیے پاک فوج کا کردار ناقابلِ فراموش ہے۔
ان کا کہنا تھا کہ پاک فوج نے ہمیشہ ملک کے دفاع اور استحکام کے لیے بے مثال قربانیاں اور بہادری کا مظاہرہ کیا ہے، جو تاریخ کا روشن باب ہے۔ افغانستان نے پاکستان پر حملہ کر کے اپنی دشمنی کا ثبوت دیا ہے، مگر پاک فوج نے منہ توڑ جواب دے کر دشمنانِ پاکستان کو بے نقاب کر دیا ہے۔
چوہدری عابد محمود نے مزید کہا کہ پاکستان نے ہمیشہ دہشت گردی کے خاتمے اور خطے میں امن و استحکام کے لیے مثبت کردار ادا کیا ہے، اور یہ سلسلہ مستقبل میں بھی جاری رہے گا۔
