دینہ میں سبزی منڈی کے قریب ریلوے لائن پر تیز گام ٹرین کی زد میں آ کر تقریباً 45 سالہ نامعلوم شخص جاں بحق ہو گیا۔
ریسکیو 1122 کے مطابق اطلاع موصول ہوئی کہ جہلم کی تحصیل دینہ میں سبزی منڈی کے قریب ریلوے ٹریک پر ایک شخص تیز رفتار ٹرین کی زد میں آ گیا ہے۔ اطلاع ملتے ہی ریسکیو 1122 کی ٹیم فوری طور پر جائے وقوعہ پر پہنچ گئی۔
ابتدائی معلومات کے مطابق تقریباً 45 سالہ نامعلوم شخص ٹرین کی ٹکر لگنے سے سر پر شدید چوٹیں آنے کے باعث موقع پر ہی دم توڑ گیا۔
ریسکیو اہلکاروں نے ضروری کارروائی کے بعد جاں بحق شخص کی لاش تحویل میں لے کر ڈسٹرکٹ ہیڈکوارٹر (ڈی ایچ کیو) اسپتال جہلم منتقل کر دی، جہاں قانونی کارروائی اور شناخت کا عمل جاری ہے۔
