چوہدری زاہد اختر کی چوہدری غلام احمد زمرد اور ملک نسیم سے ملاقات، زاہد اختر کی حمایت کا اعلان

جہلم: پاکستان تحریک انصاف ضلع جہلم کے سابق صدور پھر سے ایک ہو گئے، چوہدری غلام احمد زمرد نے زاہد اختر کی حمایت کا اعلان کر دیا۔

تفصیلات کے مطابق جہلم کے قومی اسمبلی کے حلقہ این اے 60 سے تحریک لبیک کے حمایت یافتہ آزاد امیدوار چوہدری زاہد اختر نے سابق تحصیل ناظم جہلم اور سابق صدر پاکستان تحریک انصاف ضلع جہلم چوہدری غلام احمد زمرد سے ان کے گھر میں ملاقات کی۔

اس موقع پر چوہدری غلام احمد زمرد نے انتخابات میں اپنی برادری اور دوستوں سمیت چوہدری زاہد اختر کی غیر مشروط مکمل حمایت کا اعلان کیا۔

دوسری جانب چوہدری غلام احمد زمرد کی کاوشوں سے سابق وائس چیئرمین کوٹلہ فقیر ملک نسیم نے بھی این اے 60 سے امیدوار چوہدری زاہد اختر کی برادری سمیت غیر مشروط مکمل حمایت کا اعلان کردیا۔

یاد رہے کہ چند روز قبل چوہدری غلام احمد زمرد نے حلقہ پی پی 25 سے مسلم لیگ ن کے امیدوار چوہدری ندیم خادم سے اپنی رہائش گاہ پر ملاقات کے دوران مکمل حمایت کا اعلان کیا تھا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button