سوہاوہ میں جی ٹی روڈ پر بس الٹنے سے 2 خواتین سمیت 9 افراد زخمی ہو گئے۔ زخمیوں کو ہسپتال منتقل کر دیا گیا۔
تفصیلات کے مطابق جہلم کی تحصیل سوہاوہ میں تحصیل ہیڈ کوارٹر ہسپتال کے قریب جی ٹی روڈ پر مسافر بس الٹنے سے دو خواتین سمیت مجموعی طور پر 9 افراد زخمی ہو گئے۔
ریسکیو 1122 کے مطابق حادثے کی اطلاع ملتے ہی امدادی ٹیمیں فوری طور پر موقع پر پہنچیں اور زخمیوں کو فرسٹ ایڈ فراہم کرنے کے بعد ٹی ایچ کیو ہسپتال سوہاوہ منتقل کر دیا۔
ریسکیو ذرائع نے بتایا کہ بس فیض آباد اسلام آباد سے صادق آباد جا رہی تھی کہ اچانک حادثے کا شکار ہو گئی۔ ریسکیو ٹیمیں تاحال موقع پر موجود رہ کر امدادی کارروائیاں جاری رکھے ہوئے ہیں۔
