جہلم: دریائے جہلم میں نہاتے ہوئے ڈوبنے والے 25 سالہ نوجوان کی نعش مل گئی، ریسکیو 1122 نے نعش کو ہسپتال منتقل کر دیا۔
ریسکیو ذرائع کے مطابق تین روز قبل دریائے جہلم میں نہاتے ہوئے ڈوبنے والے 25 سالہ شیر خان ولد حسین میر خان سکنہ کوٹھیاں سرائے عالمگیر کی نعش ریسکیو 1122جہلم کی واٹر ریسکیو ٹیم نے مسلسل کوششوں سے تلاش کر لی۔
ریسکیو ذرائع کے مطابق تین روز قبل دو بھائی دریا میں نہاتے ہوئے ڈوب گئے تھے جبکہ ایک بھائی کو مقامی افراد نے بچالیا تھا۔ دریا میں ڈوبنے کا واقعہ پرانا پل کے قریب سرائے عالمگیر کی حدود میں پیش آیا تھا۔
ریسکیو حکام نے بتایا کہ ریسکیو 1122 جہلم کی غوطہ خور ٹیمیں ڈوبنے والے شخص کی تلاش کرنے کے لیے 3 دن سے واٹر ریسکیو آپریشن میں مصروف تھی۔ ڈیڈ باڈی کو تلاش کرنے کے لیے واٹر ریسکیو آپریشن کی مختلف ٹیکنیکس کا استعمال کیا گیا جن میں سکوبا ڈائیونگ، بوٹ سرچ،لائن سرچ، ہوک سرچ شامل ہیں۔
