سوہاوہ میں صفائی کے حوالے سے عدالت میں درخواست دائر ہوتے ہی میونسپل کمیٹی سوہاوہ کے عملے کی دوڑیں لگ گئیں۔
تفصیلات کے مطابق سوہاوہ کے علاقہ میانی بالا (ہرنیال) کے رہائشی ملک مشتاق نے ایڈیشنل سیشن جج سوہاوہ کے پاس رٹ دائر کی کہ سوہاوہ شہر میں گندگی اور غلاظت کے ڈھیر لگے ہوئے ہیں جس پر ایڈیشنل سیشن جج سوہاوہ عامر ضیاء نے میونسپل کمیٹی سوہاوہ کے سی او اور دیگر افسران سے رپورٹ طلب کی۔
اس پر میونسپل کمیٹی سوہاوہ کے درجنوں ملازمین نے فوری طور پر احاطہ کچہری میں مشینری لگا کر مہینوں سے نہ ہونے والی صفائی کو شروع کر دیا۔
ذرائع کے مطابق ایڈیشنل سیشن جج سوہاوہ نے شہر بھر میں فوری طور پر صفائی کے انتظامات کو یقینی بنانے کے احکامات کے صادر کیے۔
