جہلم: پنجاب حکومت نے رواں سال کے رمضان المبارک کے لیے غریب اور مستحق خاندانوں کے لیے مفت راشن فراہم کرنے کا شاندار اقدام کیا ہے۔ یہ اقدام خاص طور پر کم آمدنی والے خاندانوں کو سحر و افطار کی ضروریات پوری کرنے میں مدد دینے کے لیے کیا گیا ہے۔
نگہبان رمضان پیکیج 2025 کے تحت مستحق خاندانوں کو مفت راشن فراہم کیا جائے گا، جس میں دو 10 کلو کے آٹے کے تھیلے، دالیں، کوکنگ آئل اور دیگر ضروری اشیاء شامل ہوں گی۔ اس پیکیج کا مقصد غریب خاندانوں کو خوراک کی فکر سے آزاد کر کے انہیں رمضان المبارک کی روحانی عبادات پر توجہ مرکوز کرنے کا موقع فراہم کرنا ہے۔
رجسٹریشن کا عمل پی ایس ای آر پورٹل کے ذریعے شروع ہو چکا ہے، اور شہریوں کو آن لائن یا یونین کونسل کے دفاتر میں جا کر رجسٹریشن کی سہولت فراہم کی گئی ہے۔ اس پروگرام میں شامل ہونے کے لیے شہریوں کو اپنا شناختی کارڈ اور رجسٹرڈ موبائل نمبر فراہم کرنا ہو گا۔
رجسٹریشن کی آخری تاریخ 15 فروری 2025 مقرر کی گئی ہے، لہذا اہل خاندانوں کو وقت پر رجسٹریشن مکمل کر کے اس بابرکت ماہ میں حکومت کی جانب سے دی جانے والی سہولت سے بھرپور فائدہ اٹھانے کی اپیل کی گئی ہے۔
وزیراعلی پنجاب سے گزارش ہےہم بھٹے پر رہتے ہیں اور ہم بہت غریب ہیں ہماری مدد کی جائے