جہلم: اسلام آباد الیکٹرک سپلائی کمپنی (آئیسکو) کی جہلم سرکل میں پولیس اور ضلعی انتظامیہ کے تعاون سے بجلی چوروں کے خلاف کارروائیوں کا سلسلہ بلا تفریق جاری ہے۔
ترجمان آئیسکو نے بتایا کہ گزشتہ روز جہلم سرکلز میں ڈیٹیکشن ٹیموں نے 432 میٹرز چیک کیے، 2 میٹرز سے بجلی کے غیر قانونی استعمال پر متعلقہ صارفین کو 3 لاکھ 21 ہزار سے زائد کے جرمانے عائد کئے اور قانونی کاروائی کے لیے متعلقہ پولیس اسٹیشن میں درخواستیں جمع کروا دی گئی۔
ترجمان آئیسکو نےکہا کہ حکومت کی جانب سے شروع کی گئی کمپین کو 100 فیصد کامیاب بنائیں گے، آپریشن کے دوران آئیسکو ڈیٹیکشن ٹیموں کو ضلعی انتظامیہ اور پولیس کا مکمل تعاون حاصل ہے۔
انہوں نے کہا کہ صارفین بجلی چوری کی اطلاع ہیلپ لائن نمبر 118 یا 0519252933 پر دیں۔
