دینہ: گورنمنٹ ایسوسی ایٹ کالج برائے خواتین دینہ میں انٹر کالجیٹ اتھلیٹک کا شاندار مظاہرہ کیا گیا، تقریب میں ضلع بھر کے 7کالجوں نے حصہ لیا۔
کمال مہارت کے ساتھ لانگ جمپ، ہائی جمپ جبکہ 100 میٹر، 800 میٹر اور 1500 میٹر ریس کا بھی منفرد انداز میں مظاہرہ کیا گیا۔
ڈپٹی ڈائریکٹر کالجز حبیب الرحمٰن نے کامیاب طالبات کو میڈلز اور سرٹیفکیٹ دیے، انہوں نے کالج میں ہونے والے پروگرام کی نا صرف تعریف کی بلکہ اس امید کا بھی اظہار کیا کہ گورنمنٹ ایسوسی ایٹ کالج برائے خواتین دینہ جہلم کھیلوں کے ساتھ ساتھ سالانہ نتائج بھی معیاری دیکھانے میں کامیاب ہو جائے گا۔
تقریبات میں ضلع بھر کے 7کالجوں نے حصہ لیا جس میں گورنمنٹ گریجویٹ کالج برائے خواتین جہلم، جی اے سی ڈبلیو سوہاوہ، جی اے سی ڈبلیو سنگھوئی، جی اے سی ڈبلیو سول لائنز جہلم، گورنمنٹ ایسوسی ایٹ کالج آف کامرس (ڈبلیو) جہلم، جی اے سی ڈبلیو جلالپور شریف اور جی اے سی ڈبلیو دینہ شامل تھے۔
