فواد چوہدری آزاد حیثیت سے انتخابات لڑیں گے، حبا فواد

جہلم: سابق وفاقی وزیر فواد چوہدری کی اہلیہ حبا فواد نے جہلم میں فواد چوہدری کی الیکشن کمپین کا آغاز کر دیا۔

حبا فواد چوہدری نے جہلم پریس کلب کے باہر میڈیا سے گفتگو کرتے ہوئے کہا کہ فواد چوہدری کے کاغذات آزاد حیثیت سے جمع کروائیں گے، کس قانون میں لکھا ہے کہ عورت الیکشن کمپین نہیں کر سکتی، میں نے فواد چوہدری کے کہنے پر الیکشن کمپین شروع کی ہے۔

انہوں نےکہا کہ مجھے پریس کانفرنس کرنے کےلیے روکنے کی کوشش کی گئی ہے، ہم اداروں کا احترام کرتے ہوئے اداروں کے ساتھ ہیں۔

فواد چوہدری کی اہلیہ حبا نے الزام عائد کیا کہ میرے سسرال والے مجھے کمپین کرنے سے روکنے کی کوشش کر رہیے ہیں، فواد چوہدری کے بھائیوں نے میرا پریس کلب میں داخلہ بند کروایا ہے۔

انہوں نے مزید کہا کہ عوام جاگ چکی ہے، اپنے ووٹ کا درست استعمال کریں۔

ادھر نجی ٹی وی چینل سے گفتگو کرتے ہوئے حبا فواد نے کہا ہے کہ شوہر آزاد حیثیت سے انتخابات لڑیں گے، کسی پارٹی سے تعلق نہیں، شوہر کیلئے ووٹ مانگنے نکلی ہوں،فیصل چوہدری اتنے اہم نہیں کہ انہیں ڈسکس کروں۔

حبا فواد نے کہا کہ میرا کسی بھی پارٹی سے تعلق نہیں، میں اپنے لئے نہیں فواد چوہدری کیلئے ووٹ مانگنے نکلی ہوں، فواد آزاد حیثیت سے انتخابات لڑیں گے۔ میرا کسی سے کوئی اختلاف نہیں، اداروں سے درخواست ہے کہ الیکشن کی مہم چلانے دیں۔

انہوں نے کہا کہ واضح نہیں ہے کہ فیصل چوہدری خود ٹکٹ لینا چاہ رہے ہیں یا نہیں،وہ اتنے اہم نہیں کہ انہیں ڈسکس کروں۔ فردوس عاشق اعوان ہمارے خلاف کچھ نہ کچھ چٹکلے چھوڑتی رہتی ہیں۔ میں اور فواد چودھری ایک پیج پر ہیں، میں ان کی مسینجر ہوں، باقی فیصلہ فواد چوہدری خود کریں گے۔

انہوں نے کہا کہ تحریک انصاف جس حالت سے گزر رہی ہے وہ سب کو پتہ ہے، ووٹ کیلئے الیکٹیبلز بھی چاہئے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button