جہلم: جماعت اسلامی کے تین روزہ اجتماع میں ضلع جہلم سے بڑی تعداد میں قافلے لاہور کے مینار پاکستان پہنچ گئے۔ اس قافلے کی قیادت ڈاکٹر قاسم محمود چوہدری نے کی، جس میں مرد، خواتین اور نوجوانوں کی بڑی تعداد شامل تھی۔
جماعت اسلامی کی جانب سے "نظام بدل دو” کے سلوگن کے تحت یہ تین روزہ اجتماع 21 نومبر سے 23 نومبر تک جاری رہے گا۔ ملک بھر اور بیرون ملک سے ہزاروں افراد اس اجتماع میں شرکت کے لیے پہنچے، جبکہ مختلف شخصیات بھی خطاب کریں گی۔
تحصیل سوہاوہ سے امیر جماعت اسلامی سوہاوہ سید ضیاء اللہ شاہ بخاری، تحصیل دینہ سے حبیب رضا بٹ اور مظاہر السلام، ڈومیلی سے سعید اسلم، جہلم سے ظفر اقبال کی قیادت میں قافلے روانہ ہوئے۔ ان تمام قافلوں کی مجموعی قیادت امیر جماعت اسلامی ضلع جہلم ڈاکٹر قاسم محمود چوہدری نے کی۔ قافلوں میں ارکان اور کارکنان پرجوش اور متحرک دکھائی دیے۔
اجتماع کے اختتامی خطاب میں امیر جماعت اسلامی پاکستان حافظ نعیم الرحمن کریں گے اور آئندہ کے لائحہ عمل کا اعلان بھی کریں گے۔
