سوہاوہ: پولیس نے اہم کارروائی کرتے ہوئے اقدام قتل کے مقدمہ میں مطلوب اشتہاری مجرم کو 15 سال بعد گرفتار کر لیا۔
تفصیلات کے مطابق جہلم کی تحصیل سوہاوہ میں ایس ایچ او تھانہ سوہاوہ نے اپنی ٹیم کے ہمراہ کارروائی کرتے ہوئے سال 2011 سے اقدام قتل کے مقدمہ میں مطلوب اشتہاری مجرم کو ٹریس کر کے گرفتار کر لیا۔
پولیس کے مطابق ملزم کافی عرصے سے قانون کی گرفت سے فرار تھا، جس کی گرفتاری کے لیے پولیس مسلسل کارروائیاں اور چھاپے مار رہی تھی۔
ایس ایچ او تھانہ سوہاوہ نے جدید حکمتِ عملی اور مؤثر کارروائی کے ذریعے اشتہاری مجرم کو گرفتار کیا، جبکہ اس کے خلاف قانونی کارروائی مکمل کرتے ہوئے مزید تفتیش جاری ہے۔
ڈی پی او جہلم شفیق احمد چوہدری کا کہنا ہے کہ جرائم پیشہ عناصر اور اشتہاری مجرمان کے خلاف بلا تفریق کارروائیاں جاری رہیں گی اور قانون کی عملداری ہر صورت یقینی بنائی جائے گی۔
اشتہاری مجرم نہیں بلکہ یہ اشتہاری ملزم ہے