جہلم سمیت پنجاب کے مختلف شہروں میں انٹیلیجنس بیسڈ آپریشن میں 10 دہشت گردوں کو گرفتار کرلیا گیا۔
ترجمان کاؤنٹر ٹیررازم ڈپارٹمنٹ ( سی ٹی ڈی) کے مطابق کارروائی جہلم، راولپنڈی، ٹوبہ ٹیک سنگھ ،خوشاب ، بہاول نگر،رحیم یار خان ،راجن پور اور بھکر میں کی گئی۔ جہلم اور خوشاب سے ٹی ٹی پی کے 2 خطرناک دہشت گردوں کو بارودی مواد سمیت گرفتار کیا گیا۔
دہشت گردوں سے دھماکا خیز مواد، آئی ای ڈی بم، ڈیٹونیٹر، 19حفاظتی فیوز، تار35 فٹ، پمفلیٹ، نقدی اورموبائل فون برآمد کیے گئے۔ دہشت گردوں کی شناخت ریاض، شفیق، رشید، جاوید، ظہیر، ظہیر الدین ، حفیظ، وزیر، آصف اوروحید کے نام سے ہوئی۔
حکام کا کہنا ہے کہ دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔
