جہلم: کالاگجراں کا رہائشی 16سالہ حافظ قران حسن احمد اچانک لاپتہ ہوگیا، 16 سالہ لڑکا گھر سے کھیلنے گیا لیکن واپس نہ آیا، والدین شدید پریشانی کا شکار ہیں۔
تفصیلات کے مطابق 16سالہ حافظ قران حسن احمد جو کہ جہلم کے علاقہ مین بازار کالاگجراں کا رہائشی ہے 6 فروری کی دوپہر کو اچانک لاپتہ ہوگیا ۔
لواحقین کے مطابق حسن احمد نے گھر میں بتایا کہ وہ دوستوں کے ساتھ کھیلنے کے لئے جارہا ہے، گھر سے نکلنے کے بعد واپس گھر نہیں پہنچ سکا۔ دوستوں، رشتہ داروں، عزیز و اقارب سے معلوم کرنے کی کوشش کی لیکن تاحال حسن احمد نہیں مل سکا ۔
حسن احمد کے والد نے تھانہ کالاگجراں پولیس کو تحریری درخواست دے دی اور ڈی پی او جہلم ناصر محمود باجوہ سے فوری نوٹس لینے کا مطالبہ کیا ہے۔
