جہلم: موٹر سائیکل اور موٹر کار کے پرکشش نمبرز کے حصول کیلئے پنجاب آئی ٹی بورڈ نے محکمہ ایکسائز پنجاب کے اشتراک سے ای آکشن ایپ اور ویب پورٹل پر ماہ اگست کے دوران رجسٹریشن کا آغاز کر دیا ہے۔
خواہشمند افراد 30 اگست تک اپنی پسند کا نمبر حاصل کرنے کیلئے رجسٹریشن کروا سکتے ہیں۔ ای آکشن ایپ میں موٹر سائیکل اور موٹر کار کے نمبروں کی نیلامی شامل ہے جبکہ بولی جیتنے والے امیدواروں کی تفصیلات بھی ای آکشن ایپ پر دیکھی جا سکیں گی۔
پنجاب ایکسائز اینڈ ٹیکسیشن کے ذرائع کے مطابق ای آکشن سسٹم شہریوں کو شفاف اور سہل طریقے سے اپنی پسند کے نمبر حاصل کرنے کا بہترین موقع فراہم کر رہا ہے۔ اس نظام نے روایتی پیچیدگیوں، کرپشن اور ایجنٹ کلچر کا خاتمہ کرتے ہوئے عوام کو گھر بیٹھے بولی میں حصہ لینے کی سہولت مہیا کر دی ہے۔ اس اقدام سے شہری بغیر کسی اضافی جھنجھٹ کے اپنے خوابوں کا نمبر حاصل کر سکتے ہیں۔
