دینہ میں شہریوں کو لوٹنے والے ڈاکو کو پولیس نے گرفتار کر کے مال مسروقہ برآمد کر لیا۔
تفصیلات کے مطابق جہلم کی تحصیل دینہ میں ایس ایچ او تھانہ دینہ اور ٹیم نے اہم کارروائی کرتے ہوئے ڈکیتی اور چوری کے متعدد مقدمات میں ملوث ملزم دانیال کو گرفتار کر لیا۔
پولیس کا کہنا ہے کہ ملزم سے چوری شدہ کار، ایک عدد موٹر سائیکل، ایک عدد موبائل فون اور واردات میں استعمال ہونے والا اسلحہ ناجائز پسٹل30بور معہ ایمونیشن برآمد کر لیا گیا ہے۔
پولیس کا مزید کہنا ہے کہ شہریوں کی جان و مال کا تحفظ اولین ترجیح ہے، ملزم کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
