پنڈدادنخان: ایس ایچ او تھانہ پنڈدادنخان اور ان کی ٹیم نے کامیاب کارروائی کرتے ہوئے ناجائز اسلحہ رکھنے والے ملزم کو گرفتار کر لیا۔
پولیس کے مطابق کارروائی کے دوران ملزم شیر علی کو حراست میں لیا گیا، جس کے قبضے سے 30 بور کا ریوالور بمعہ ایمونیشن برآمد کر لیا گیا۔
پولیس حکام کے مطابق ملزم کے خلاف تھانہ پنڈدادنخان میں مقدمہ درج کر لیا گیا ہے اور مزید قانونی کارروائی عمل میں لائی جا رہی ہے۔
ایس ایچ او نے کہا کہ ناجائز اسلحہ کے خلاف سخت کارروائیاں جاری رہیں گی تاکہ علاقے میں امن و امان برقرار رکھا جا سکے۔
