جہلم سمیت ملک بھر میں سولر پینلز اور بیٹریوں کی طلب میں واضح کمی کے باعث ان مصنوعات کی قیمتوں میں تاریخی کمی دیکھنے میں آ رہی ہے۔
مارکیٹ ذرائع کے مطابق سولر پینلز کے ساتھ ساتھ لیتھیم سولر بیٹریوں کی قیمتوں میں بھی غیر معمولی کمی واقع ہوئی ہے۔ جو سولر بیٹری پہلے ساڑھے 4 لاکھ روپے میں فروخت ہو رہی تھی، اب وہ 3 لاکھ 80 ہزار روپے میں دستیاب ہے جبکہ 3 سے 4 لاکھ روپے میں فروخت ہونے والی بیٹری اب 2 سے اڑھائی لاکھ روپے میں بآسانی مل رہی ہے۔
اس کمی کی بڑی وجہ مارکیٹ میں طلب میں نمایاں کمی اور نئی کمپنیاں کا مارکیٹ میں داخل ہونا بتائی جا رہی ہے، جو بہتر خصوصیات اور کم قیمت کی پیشکش کر رہی ہیں۔
بڑے شہروں کے تاجروں کا کہنا ہے کہ سولر پینلز اور بیٹریوں کی فروخت میں شدید کمی آچکی ہے، جس کی وجہ سے مارکیٹ میں قیمتوں میں واضح گراوٹ دیکھنے کو ملی ہے۔ تاجروں کے مطابق اگر یہی صورتحال برقرار رہی تو آئندہ مہینوں میں مزید کمی کا امکان ہے۔
ماہرین کا کہنا ہے کہ خریداروں کے لیے یہ ایک نادر موقع ہے کہ وہ کم قیمت پر سولر سسٹم حاصل کر سکتے ہیں، تاہم مارکیٹ کی بدلتی صورتحال پر نظر رکھنا ضروری ہے تاکہ معیاری مصنوعات کا انتخاب ممکن ہو سکے۔
