پنڈدادنخان: تحصیل ہیڈ کوارٹر ہسپتال پنڈدادنخان کی ماہ اگست 2026 کی کارکردگی رپورٹ جاری کر دی گئی، جس کے مطابق ہسپتال میں مختلف شعبہ جات کے ذریعے مجموعی طور پر 16 ہزار 736 مریضوں کو طبی سہولیات فراہم کی گئیں۔
ماہانہ کارکردگی رپورٹ کے مطابق ایمرجنسی (ER) میں 7,059، جنرل او پی ڈی میں 4,563، گائنی او پی ڈی میں 2,178، پیڈیاٹرکس او پی ڈی میں 2,054 جبکہ سرجری او پی ڈی میں 953 مریضوں کا علاج کیا گیا۔
ہسپتال کے ہیپاٹائٹس کلینک سے اگست کے دوران 370 مریضوں نے استفادہ کیا، جبکہ 31 نئے مثبت کیسز بھی رپورٹ ہوئے۔
رپورٹ کے مطابق ہسپتال میں دیگر طبی و عوامی سہولیات بھی فراہم کی گئیں۔ اس دوران 323 افراد کی EPI ویکسینیشن کی گئی، 137 افراد نے فیملی پلاننگ کی سہولیات حاصل کیں، جبکہ 55 میڈیکو لیگل کیسز نمٹائے گئے۔
اسی طرح اگست کے دوران 5 پوسٹ مارٹمز کیے گئے، 27 ڈس ایبلٹی سرٹیفکیٹس جاری کیے گئے جبکہ 150 سے زائد میڈیکل فٹنس سرٹیفکیٹس بھی جاری کیے گئے۔
محرم الحرام اور صفر کے دوران منعقدہ مختلف میڈیکل کیمپس میں بھی 300 سے زائد افراد کو طبی سہولیات فراہم کی گئیں۔
میڈیکل سپرنٹنڈنٹ ٹی ایچ کیو ہسپتال پنڈدادنخان ڈاکٹر انجم قدیر نے کہا کہ عوام کو معیاری، بروقت اور بہتر طبی سہولیات فراہم کرنے کا سلسلہ جاری ہے اور ہسپتال کے مختلف شعبہ جات میں آنے والے مریضوں کو علاج معالجے کی سہولیات کی فراہمی یقینی بنائی جا رہی ہے۔
