جہلم پولیس نے رکشہ چوری کے مقدمے میں مطلوب ملزم کو گرفتار کرکے اس کے قبضے سے چوری شدہ رکشہ برآمد کر لیا۔
ترجمان جہلم پولیس کے مطابق ڈی پی او جہلم شفیق احمد چوہدری کی ہدایات پر جرائم پیشہ عناصر کے خلاف جاری کارروائیوں کے سلسلے میں ایس ایچ او تھانہ سول لائنز اور ان کی ٹیم نے موثر کارروائی کرتے ہوئے رکشہ چوری کے مقدمے میں ملوث ملزم کو گرفتار کیا۔ کارروائی کے دوران ملزم کے قبضے سے چوری شدہ رکشہ بھی برآمد کر لیا گیا۔
پولیس کے مطابق ملزم کے خلاف قانونی کارروائی جاری ہے، جبکہ تفتیش کے دوران مزید اہم انکشافات کی بھی توقع ہے۔
پولیس حکام کا کہنا ہے کہ ملزم کو ٹھوس شواہد کے ساتھ عدالت میں چالان پیش کیا جائے گا تاکہ اسے قانون کے مطابق قرار واقعی سزا دلوائی جا سکے۔
ڈسٹرکٹ پولیس آفیسر جہلم شفیق احمد چوہدری نے کہا کہ شہریوں کے جان و مال کے تحفظ اور جرائم کے خاتمے کے لیے جہلم پولیس پوری طرح متحرک ہے۔ چوری، ڈکیتی اور دیگر جرائم میں ملوث عناصر کے خلاف بلاامتیاز کارروائیاں آئندہ بھی مؤثر انداز میں جاری رکھی جائیں گی تاکہ ضلع میں امن و امان کی فضا برقرار رہے۔
