سموگ کےباعث سکولوں میں ماسک پہننے کا معاملہ،ایجوکیشن اتھارٹی کو ماسک کے حکم پر سوفیصدعملدرآمد میں مشکلات،ماسک نہ پہننے والے بچے سانس کی بیماریوں میں مبتلا ہونے لگے۔
سرکاری و پرائیویٹ سکولوں میں اساتذہ و بچوں نے ماسک پہننے کی پابندی ہوا میں اُڑا دی۔
ایجوکیشن اتھارٹی کو ماسک پہننے کے احکامات پر سو فیصد عملدرآمد کروانے میں مشکلات درپیش ہیں۔ ماسک نہ پہننے کے باعث بچے سانس اور آنکھوں کی بیماریوں میں مبتلا ہونے لگے۔ سکولوں میں زیرتعلیم پچاس فیصد بچے بمشکل ماسک پہن رہے ہیں۔
ذرائع کے مطابق بیشتر سکولوں میں اساتذہ وطلباء سو فیصد ماسک پہننے کی پابندی نہیں کررہے جبکہ سکولوں میں پچاس فیصد بچے ماسک کی پابندی نہیں کررہے۔
والدین کا کہنا ہے کہ ماسک پہننے سے بچوں کو سانس لینے میں مشکل ہوتی ہے۔
ایجوکیشن اتھارٹی کےمطابق بغیر ماسک کسی بھی ٹیچر یا طالبعلم کو سکول داخلے کی اجازت نہیں۔
