جہلم: تھانہ کالا گجراں پولیس کی منشیات فروشوں کے خلاف کامیاب کارروائی، بدنام زمانہ منشیات فروش کو گرفتار کر کے منشیات برآمد کر لی گئی۔
تفصیلات کے مطابق جہلم میں ایس ایچ او تھانہ کالا گجراں اور ان کی ٹیم نے خفیہ اطلاعات پر کارروائی کرتے ہوئے ملزم مرزا بلال کو گرفتار کر لیا۔ دوران تلاشی ملزم کے قبضے سے 1 کلو 40 گرام ہیروئن برآمد کی گئی، جو شہر میں منشیات فروشی کے لیے سپلائی کی جا رہی تھی۔
پولیس نے ملزم کے خلاف تھانہ کالا گجراں میں انسداد منشیات ایکٹ کے تحت مقدمہ درج کر لیا ہے اور مزید تحقیقات جاری ہیں۔
پولیس حکام کے مطابق منشیات کے خلاف آپریشن مزید تیز کیا جائے گا اور منشیات فروشوں کے خلاف سخت قانونی کارروائی عمل میں لائی جائے گی۔
