جہلم: احسان الٰہی شاکر نے کہا کہ بے تحاشا مہنگائی کے تناسب سے سرکاری ملازمین کی تنخواہوں میں کم از کم 50فی صد تک اضافہ کیا جائے۔الائونسز کو بھی کافی عرصہ سے نہیں بڑھایا گیا ا ن میں بھی اضافہ کیا جائے۔10جون کوپارلیمنٹ ہائوس اسلام آباد کے سامنے احتجاجی مظاہرے میں بھرپور شرکت کریں گے۔
پنجاب ایجوکیٹرزایسوسی ایشن جہلم کے ضلعی صدر احسان الٰہی شاکرنے پنجاب ایجوکیٹرزایسوسی ایشن جہلم کے ایک اہم اورہنگامی اجلاس کے بعد میڈیاکے نمائندوں سے بات چیت میں کہا کہ مہنگائی کے تناسب سے تنخواہوں میں اضافہ کے لیے پاکستان بھرسے تمام سرکاری ملازمین کا احتجاجی مظاہرہ 10جون بروزسوموارکوپارلیمنٹ ہاؤس اسلام آباد کے سامنے ہوگا۔جہلم سے اساتذہ کاایک بڑاقافلہ پنجاب ایجوکیٹرزایسوسی ایشن جہلم کے ضلعی صدراحسان الٰہی شاکرکی قیادت میں روانہ ہوگا۔
ان کاکہناتھاکہ بے تحاشامہنگائی نے سرکاری ملازمین کی کمرتوڑدی ہے۔اس لیے اگرمہنگائی کے موجودہ تناسب سے تنخواہوں میں کم از کم 50فیصدتک اضافہ نہ کیاگیاتوسرکاری ملازمین مہنگائی کامقابلہ نہیں کرپائیں گے۔
ان کامزیدکہناتھاکہ سرکاری ملازمین کوجومیڈیکل الاؤنس، ہاؤس رینٹ الاؤنس اورکنوینس الاؤنس دیے جارہے ہیں وہ بھی بہت کم ہیں اس لیے اب ان میں بھی اضافہ ازحدضروری ہے۔10 جون کوہم اپنے یہ مطالبات لے کرپارلیمنٹ ہاؤس اسلام آباد کے سامنے احتجاجی مظاہرہ میں شرکت کریں گے۔جہلم سے اساتذہ اوردیگرسرکاری ملازمین بڑی تعدادمیں اس احتجاجی مظاہرہ میں شامل ہوں گے۔
اجلاس میں ان کے ساتھ محمد رفیع، انزک محمود، مبشر عباس شاہد، شاہد سکندر، وقار کاظمی، جواد حسین اور شیرا زمحمود موجود تھے۔
