جہلم: ڈسٹرکٹ پولیس آفیسر جہلم طارق عزیز سندھو کی ہدایت پر تھانہ چوٹالہ پولیس نے منشیات فروشوں کے خلاف اہم کارروائی کرتے ہوئے دو ملزمان کو گرفتار کر لیا۔
ایس ایچ او تھانہ چوٹالہ اور ان کی ٹیم نے کامیاب کارروائی کے دوران ملزمان عمران اور تنویر کو گرفتار کیا، جن کے قبضے سے مجموعی طور پر 1 کلو 40 گرام چرس برآمد کی گئی۔
پولیس کے مطابق گرفتار ملزمان کے خلاف تھانہ چوٹالہ میں الگ الگ مقدمات درج کر لیے گئے ہیں اور مزید تفتیش جاری ہے۔
ڈی پی او جہلم طارق عزیز سندھو نے اس موقع پر کہا کہ منشیات فروش معاشرے کا ناسور ہیں، اور ان کے خلاف جہلم پولیس کی جانب سے بھرپور کریک ڈاؤن جاری ہے۔
انہوں نے کہا کہ نوجوان نسل کو منشیات جیسے زہریلے عناصر سے بچانے کے لیے پولیس ہر ممکن اقدامات کر رہی ہے اور ایسے جرائم میں ملوث عناصر کو قانون کے کٹہرے میں لایا جائے گا۔
