جہلم پولیس کی موثر تفتیش، معزز عدالت کے جج راجہ غضنفر علی خان (ڈسٹرکٹ اینڈ سیشن جج) نے قتل کے مقدمہ نمبر 514/23 بجرم 302/34 ت پ تھانہ کالاگجراں کا فیصلہ سنا دیا۔
مجرم محمد وہاب اشرف نے سال 2023 میں مقتول اللہ دتہ کو چھری کے وار کر کے قتل کر دیا تھا، جہلم پولیس نے مجرمان کو ٹریس کر کے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی، جس کے پیش نظر معزز عدالت نے مجرم کو قرار واقعی سزا سنائی۔
عدالت نے مجرم محمد وہاب اشرف کو قتل کے جرم میں عمر قید اور پانچ لاکھ روپے جرمانہ کی سزا کا حکم سنایا۔
اس حوالے سے ڈی پی او جہلم ناصر محمود باجوہ نے کہا کہ سنگین مقدمات میں ملوث ملزمان کو سزائیں ملنا قانون اور انصاف کی فتح ہے، ڈی پی او جہلم ناصر محمود باجوہ کی انوسٹی گیشن اور لیگل ٹیموں کو شاباش دی جبکہ تعریفی سرٹیفکیٹ اور نقد انعام دینے کا اعلان کیا۔
