جہلم: سٹی پولیس کی اہم کارروائی، چوری کے مقدمہ میں ملوث ملزم گرفتار کر کے چوری شدہ سپیکرز برآمد کر لئے گئے۔
تفصیلات کے مطابق سٹی پولیس نے کارروائی کرتے ہوئے ملزم نعمان سجاد کو گرفتار کر لیا، ملزم سے چوری شدہ 2 عدد سپیکر مالیتی 60 ہزار روپے برآمد کر لئے گئے۔
شہری سعید انور نے مقدمہ درج کراتے ہوئے موقف اختیار کیا تھا کہ اس کے ہوٹل کا تالا توڑ کر کسی نامعلوم شخص نے سپیکر چرا لئے ہیں، پولیس تھانہ سٹی نے ملزم کو ٹریس کر کے گرفتار کیا اور اس کے قبضہ سے مسروقہ سپیکر بر آمد کر لئے۔
ڈی پی او جہلم ناصر محمود باجوہ نے کہا کہ شہریوں کی جان و مال کی حفاظت اولین ترجیح ہے۔
