جہلم اور گردونواح میں بارش کے بعد موسم خوشگوار ہو گیا جبکہ گرمی کی شدت میں واضح کمی ریکارڈ کی گئی۔
ضلع بھر کے مختلف علاقوں میں تیز ہواؤں کے ساتھ بارش ہوئی جس کے باعث فضا ٹھنڈی ہو گئی اور شہریوں نے گرمی سے وقتی ریلیف محسوس کیا۔
محکمہ موسمیات کے مطابق موجودہ درجہ حرارت 24 ڈگری سینٹی گریڈ ریکارڈ کیا گیا ہے جبکہ کم سے کم درجہ حرارت 21 اور زیادہ سے زیادہ 34 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ شہر میں مطلع ابر آلود ہے اور مختلف علاقوں میں گرد آلود ہواؤں کے ساتھ گرج چمک کا سلسلہ جاری ہے، جبکہ دن بھر وقفے وقفے سے مزید بارش کا امکان بھی ظاہر کیا گیا ہے۔
