سوہاوہ: چیئرمین تعلیمی بورڈ راولپنڈی پروفیسر ڈاکٹر اقبال محمود کی بورڈ آفس آمد پر ڈپٹی ڈائریکٹر (آڈٹ آفیسر) کاشف رضا اور سپرنٹنڈنٹ آڈٹ برانچ جاوید احمد ساقی نے پرتپاک استقبال کیا اور انہیں گلدستہ پیش کرتے ہوئے نئی ذمہ داریاں سنبھالنے پر مبارکباد دی۔
اس موقع پر دونوں افسران نے پروفیسر ڈاکٹر اقبال محمود کے لیے نیک خواہشات کا اظہار کرتے ہوئے امید ظاہر کی کہ ان کی قیادت میں تعلیمی بورڈ راولپنڈی مزید ترقی کرے گا اور طلبہ و طالبات کو بہتر اور معیاری تعلیمی خدمات فراہم کی جائیں گی۔
چیئرمین تعلیمی بورڈ راولپنڈی پروفیسر ڈاکٹر اقبال محمود نے افسران کی جانب سے اظہارِ خیرسگالی اور پرتپاک استقبال پر شکریہ ادا کرتے ہوئے کہا کہ ادارے میں شفافیت، احتساب، میرٹ اور بہترین تعلیمی خدمات کے فروغ کے لیے تمام افسران اور ملازمین کو باہمی تعاون، دیانت داری اور ذمہ داری کے ساتھ اپنے فرائض انجام دینے ہوں گے۔
انہوں نے کہا کہ تعلیمی بورڈ راولپنڈی کی کارکردگی کو مزید مؤثر، شفاف اور مثالی بنانے کے لیے ہر ممکن اقدامات کیے جائیں گے، جبکہ امتحانی نظام میں شفافیت، بروقت خدمات کی فراہمی اور طلبہ کو سہولت فراہم کرنا ان کی اولین ترجیحات میں شامل ہوگا۔
تقریب خوشگوار ماحول میں اختتام پذیر ہوئی، جہاں بورڈ کے افسران نے چیئرمین کے ساتھ ادارے کی بہتری اور مستقبل کے اہداف کے حوالے سے بھی تبادلۂ خیال کیا۔
