مانچسٹر: اسلامی نظریاتی کونسل اور رویت ہلال کمیٹی کے رکن ‘ معروف صحافی رانا محمد شفیق خان پسروری جو مطالعاتی اور سیاحتی دورہ پر برطانیہ آئے ہوئے ہیں نے برطانیہ کے مختلف شہروں کے اسلامی و کمیونٹی سینٹرز کے دورہ کے موقع پر گفتگو کرتے ہوئے کہا ہے کہ مغرب میں رہنے والے مسلمان حقیقی طورپر اسلام اور سیرت النبیﷺ کے سفیر بن کر رہیں گے تو ہی بات بنے گی۔
انہوں نے کہا کہ اوور سیز پاکستان کے سفیر بن کر رہیں، پاکستانی جہاں بھی جائیں ان کی ذات سے ہی پاکستان اورپاکستانی ثقافت کا بھرم قائم ہے ‘ وہ جس کردار اور رویے کا مظاہرہ کریں گے اس سے پاکستان اور پاکستانی قوم کی عزت اور وقار میں اضافہ ہوگا یا اسکے منفی اثرات مرتب ہونگے ‘ اس لیے مسلمان بالخصوص ہر پاکستانی کو اچھے اخلاق ‘ اوربہترین رویہ اختیار کرنا چاہیے اورمغرب کی اچھی روایات کو اپنے ہاں بھی رواج دینے میں اپنا مثبت کردار ادا کرنا چاہیے ‘۔
یہ امر قابل ذکر ہے کہ رانا محمد شفیق خان پسروری نے اپنے دورہ برطانیہ کے دوران سکاٹ لینڈ ‘ گلاسکو‘ لندن ‘ بریڈ فورڈ ‘ ہیلی فیکس ‘ کٹلی ‘ مانچسٹر ‘ سکیٹس‘ برمنگھم ‘ شیفلیڈ ‘نیوکاسل اور نیندر لینڈ‘کے مراکز اسلامی اور کمیونٹی سنٹرز میں منعقدہ تقاریب سے خطاب کیا‘۔
علاوہ ازیں مانچسٹر میں انکے اعزاز میں چوہدری طاہر صدیق نے ایک استقبالیہ کا اہتمام کیا جس میں پاکستانی کمیونٹی کے زعماء حافظ محمود الرحمان‘ عاطف اشرف ‘ عبد اللہ باری‘مصطفی کمال شیخ ‘ چوہدری قمر زمان ‘ راجہ عنصر علی ‘ ہارون مرزا ودیگر احباب شریک ہوئے ۔
