دینہ مین بازار میں تجاوزات کے خلاف ایک بار پھر آپریشن کا آغاز کر دیا گیا، جس کی نگرانی چیف آفیسر بلدیہ محمد فیصل اور انچارج پیرا فورس ظہیر عباس نے کی۔
آپریشن کے دوران پٹواری شمیر علی اور دیگر عملہ بھی موقع پر موجود تھا، جبکہ بازار میں قائم غیر قانونی تجاوزات کے خلاف کارروائی کی گئی۔
اس موقع پر انچارج پیرا فورس ظہیر عباس نے میڈیا سے گفتگو کرتے ہوئے کہا کہ تجاوزات قائم کرنے والے دکانداروں کو سختی سے ہدایت جاری کی گئی ہے کہ وہ فوری طور پر تجاوزات ختم کریں، بصورت دیگر ان کے خلاف سخت قانونی کارروائی عمل میں لائی جائے گی۔
چیف آفیسر بلدیہ محمد فیصل کا کہنا تھا کہ شہر میں تجاوزات کے خاتمے کے لیے آپریشن بلا تعطل جاری رہے گا اور کسی کو قانون کی خلاف ورزی کی اجازت نہیں دی جائے گی۔
