سوہاوہ: منشیات کیس میں جرم ثابت ہونے پر ایک اور مجرم کو 10 سال قید اور جرمانے کی سزا سنا دی گئی۔
تفصیلات کے مطابق جہلم کی تحصیل سوہاوہ کی عدالت نے تھانہ ڈومیلی میں درج منشیات فروشی کے مقدمہ کا فیصلہ سنا دیا، جرم ثابت ہونے پر مجرم شہریار عرف شیری کو 10 سال قید اور ایک لاکھ 25 ہزار روپے جرمانہ کی سزا سنا دی گئی۔
ترجمان جہلم پولیس کے مطابق عدالت نے تھانہ ڈومیلی میں درج منشیات فروشی کے مقدمہ نمبر 51/24 بجرم CNSA 9(1)6C کا فیصلہ سناتے ہوئے جرم ثابت ہونے پر ملزم شہریار عرف شیری کو سزا کا حکم دیا۔
ترجمان کے مطابق مجرم شہریار عرف شیری نے سال 2024ء میں منشیات کے جرم کا ارتکاب کیا تھا۔ جہلم پولیس نے جدید تفتیشی اور تکنیکی ذرائع کی مدد سے ملزم کو ٹریس کر کے گرفتار کیا اور مقدمہ کی تفتیش مکمل کرتے ہوئے ٹھوس شواہد کی بنیاد پر چالان عدالت میں پیش کیا۔
ترجمان جہلم پولیس کے مطابق مقدمہ کی مؤثر پیروی اور تفتیش کے نتیجے میں معزز عدالت نے مجرم شہریار عرف شیری کو 10 سال قید اور ایک لاکھ 25 ہزار روپے جرمانہ کی سزا سنائی۔
ڈی پی او جہلم شفیق احمد چوہدری نے کہا کہ منشیات فروش معاشرے کا ناسور ہیں اور ان کے خلاف بھرپور کریک ڈاؤن جاری ہے۔ انہوں نے کہا کہ منشیات کے مکروہ دھندے میں ملوث عناصر کے خلاف قانون کے مطابق کارروائیاں جاری رکھی جائیں گی تاکہ معاشرے کو اس لعنت سے پاک کرنے کے لیے مؤثر اقدامات کیے جا سکیں۔
