جہلم کے چار بھائی جعلی ریزیڈنٹ کارڈ پر لتھوانیا جانے کی کوشش کرتے ہوئے ایئرپورٹ پر پکڑے گئے۔
حکام کے مطابق ایف آئی اے امیگریشن نے نیو اسلام آباد ایئرپورٹ پر کارروائی کرتے ہوئے جعلی ریزیڈنٹ کارڈز پر یورپی ملک لتھوانیا جانے کی کوشش کرنے والے جہلم سے تعلق رکھنے والے چار بھائیوں کو گرفتار کرلیا۔
ذیشان منیر، بدر منیر، حسن جمیل اور محمد علی نامی چاروں بھائی باکو، آذربائیجان جانے والی پرواز J2144 سے سفر کر کے بعد ازاں لتھوانیا پہنچنے کا منصوبہ رکھتے تھے، تاہم امیگریشن چیک کے دوران ان کے سفری دستاویزات مشکوک پائے گئے۔
@jhelumupdates جہلم کے 4 بھائی یورپی ملک جانے کی کوشش میں ایئرپورٹ پر پکڑے گئے #JhelumUpdates #LatestNews #fyp #foryou #viralvideo #breakingnews #viralvideos #foryoupagе #islamabad #airport #baku #lithuania #jhelum #viral #trending #tiktok ♬ original sound – Jhelum Updates
مزید جانچ پڑتال پر معلوم ہوا کہ ان کے پیش کردہ لتھوانیا کے ریزیڈنٹ کارڈ جعلی ہیں، جس کے بعد انہیں آف لوڈ کر کے ایف آئی اے کے انسداد انسانی سمگلنگ سیل کے حوالے کر دیا گیا۔
ابتدائی تفتیش میں انکشاف ہوا ہے کہ چاروں بھائیوں نے سوشل میڈیا پر ایک ایجنٹ کا اشتہار دیکھ کر اس سے رابطہ کیا تھا، جس نے انہیں جعلی ریزیڈنٹ کارڈ فراہم کیے۔ اس مقصد کے لیے ان افراد نے مجموعی طور پر 8 ہزار یورو مختلف آن لائن ذرائع سے ایجنٹ کو ادا کیے۔
ایف آئی اے حکام کے مطابق اس قسم کے فراڈ کے پیچھے سرگرم ایجنٹ سادہ لوح افراد کو سوشل میڈیا اشتہارات کے ذریعے جھانسے میں لیتے ہیں۔ شہریوں کو ہدایت کی گئی ہے کہ وہ بیرون ملک سفر یا ویزہ کے حصول کے لیے ہمیشہ متعلقہ ملک کی ایمبیسی یا مستند ذرائع سے رجوع کریں اور اپنی ذاتی معلومات یا دستاویزات کسی غیر متعلقہ شخص کے ساتھ شیئر نہ کریں۔
ایف آئی اے نے شہریوں کو خبردار کیا ہے کہ جعلی دستاویزات پر بیرون ملک سفر کی کوشش نہ صرف خطرناک ہے بلکہ قانونی گرفت میں لانے کا باعث بھی بن سکتی ہے۔
