آئل اینڈ گیس ریگولیٹری اتھارٹی (اوگرا) نے جون کے لیے ایل پی جی کی قیمتوں میں مزید کمی کردی۔
جاری نوٹیفکیشن کے مطابق ایل پی جی کی قیمتوں میں 3 روپے 86 پیسے فی کلو کمی کی گئی جبکہ گھریلو سلنڈر کی قیمت میں 45 روپے 62 پیسے کمی ہوگئی۔
اوگرا نے وفاقی حکومت کی پالیسی گائیڈ لائنز کے مطابق 01 جون 2024 سے ایل پی جی کی قیمت کا تعین کردیا اور ایل پی جی سستی کرنے کا نوٹیفکیشن بھی جاری کردیا۔
نوٹیفکیشن کے مطابق ایل پی جی کی قیمتوں میں 3 روپے 86 پیسے فی کلو کمی کی گئی ہے جس کے بعد گھریلو سلنڈر کی قیمت میں 45 روپے 62 پیسے کمی ہوگئی۔
مئی میں گھریلو سلنڈر کی قیمت 2,326.51 روپے تھی جو یکم جون سے 45 روپے 62 روپے کمی کے بعد 2,280.89 روپے پر دستیاب ہوگا۔
ایل پی جی پروڈیوسر کی قیمت سعودی آرامکو- سی پی اور امریکی ڈالر کی شرح تبادلہ سے منسلک ہے۔
پچھلے مہینے کے مقابلے میں سعودی آرامکو- سی پی میں 2 فیصد اور اوسط ڈالر کی شرح مبادلہ میں بھی 0 اعشاریہ 04 فیصد کی کمی واقع ہوئی ہے جس کے نتیجے میں ایل پی جی صارفین کے لئے 11 اعشاریہ 8 کلو گرام سلنڈر کی قیمت میں 45 اعشاریہ 62 روپے یعنی 1 اعشاریہ 62٪ کمی ہوئی ہے جبکہ فی کلو گرام کمی 3 اعشاریہ 86 روپے ہے۔
