موبائل فون سمز دوسری نیٹ ورک پر ٹرانسفر کرنے والے ہوشیار ہوجائیں۔
مختلف کمپنیز کی موبائل سم دوسرے نیٹ ورک پر تبدیل کرنے کے بہانے لاکھوں روپے لوٹنے والے دو ملزمان کو گرفتارکر لیا ہے۔
رضویہ پولیس نے کارروائی کرتے ہوئے ایم این پی کرنے والے دو ملزمان کو گرفتار کیا ہے، گرفتار ملزمان کا اعترافی ویڈیو بیان بھی سامنے آ گیا.
ملزمان کا گروہ چار افراد پر مشتمل ہے، جبکہ ملزمان شہر کی مختلف شاہراہوں پر کھڑے ہو کر موبائل سے فروخت اور نیٹ ورک تبدیل کرتے تھے۔
ملزمان نیٹ ورک تبدیل کرنے کے بہانے شہری کا شناختی کارڈ اور تھم حاصل کرتے تھے، ملزمان شہری کو جعلی سم دے کر اوریجنل سم اپنے پاس رکھتے، پھر ان کے اکاؤنٹ میں موجود رقم نکالتے اور لون بھی حاصل کرتے تھے۔
پولیس نے ملزمان کے قبضے سے تھم مشین اور سمس برامد کر لیں، گرفتار ملزمان سے مزید تفتیش کی جا رہی ہے۔
