جہلم کی مویشی منڈی میں پولیس اہلکار سے گولی چل گئی، گولی لگنے سے ریسکیو اہلکار زخمی ہو گیا، زخمی ریسکیو اہلکار کو ہسپتال منتقل کر دیا گیا۔
تفصیلات کے مطابق جہلم میں جی ٹی روڈ فوجی مل گراؤنڈ میں قائم مویشی منڈی میں فوٹو سیشن کے دوران کانسٹیبل مشرف سے حادثاتی طور پر گولی چل گئی جس کے نتیجہ میں ریسکیو 1122 کا اہلکار فرحان شدید زخمی ہو گیا۔
فائر ریسکیو اہلکار فرحان کے پاؤں پر لگا، زخمی ریسکیو اہلکار کو ڈسٹرکٹ ہیڈ کوارٹر ہسپتال جہلم منتقل کر دیا گیا۔
یاد رہے کہ ضلع جہلم کی مویشی منڈیوں میں شہریوں اور بیوپاریوں کی سکیورٹی اور طبی امداد کیلئے ریسکیو 1122 اور جہلم پولیس کے کیمپس لگے ہوئے ہیں۔
