دینہ: منگلا ڈیم سے دریائے جہلم میں ایک لاکھ کیوسک سے زائد پانی چھوڑے جانے کا الرٹ جاری کر دیا گیا۔
تفصیلات کے مطابق پنجاب ایمرجنسی سروس ریسکیو1122جہلم نے عوام کو خبردار کیا ہے کہ 10 جون سے منگلا ڈیم سے پانی کا اخراج ایک لاکھ کیوسک سے زائد ہو گیا ہے، اس لیے دریا میں پانی کا لیول اور پانی کا بہاؤ بڑھ جائے گا۔
ترجمان ریسکیو 1122 جہلم نے کہا کہ عوام آئندہ چند روز دریائے میں جانے سے گریز کریں اور دریا میں نہانے اور جانوروں کو لے کر جانے سے گریز کریں جبکہ کسی بھی ایمرجنسی کی صورت میں 1122 پر کال کریں۔
انہوں نے کہا کہ احتیاطی تدابیر اختیار کرنے سے ہی قیمتی انسانی جانوں اور مویشیوں کو بچایا جا سکتا ہے۔
