پنڈدادنخان: ڈپٹی ڈسٹرکٹ ہیلتھ آفیسر پنڈدادنخان ڈاکٹر انجم قدیر نے عہدہ سنبھالتے ہی فیلڈ میں متحرک ہوتے ہوئے اتائی ڈاکٹروں اور غیر قانونی میڈیکل پریکٹس کے خلاف کارروائیوں کا آغاز کر دیا۔
یونین کونسل ٹوبہ میں وارث میڈیکل سٹور کی چیکنگ کے دوران انکشاف ہوا کہ نان کوالیفائیڈ افراد شہریوں کی زندگیوں سے کھیل رہے تھے اور غیر قانونی طور پر طبی سرگرمیاں جاری تھیں۔
ہیلتھ حکام نے فوری کارروائی کرتے ہوئے وارث میڈیکل سٹور کو موقع پر سیل کر دیا جبکہ کیس مزید کارروائی کے لیے پنجاب ہیلتھ کیئر کمیشن کو ارسال کر دیا گیا۔
ڈپٹی ڈسٹرکٹ ہیلتھ آفیسر ڈاکٹر انجم قدیر نے واضح کیا کہ عوام کی صحت کے ساتھ کسی قسم کا کھیل برداشت نہیں کیا جائے گا اور اتائیت کے خاتمے کے لیے سخت اقدامات جاری رہیں گے۔
شہریوں نے محکمہ صحت کی اس کارروائی کو سراہتے ہوئے امید ظاہر کی ہے کہ اتائی عناصر اور غیر قانونی میڈیکل پریکٹس کے خلاف بلاامتیاز کارروائیاں مستقل بنیادوں پر جاری رکھی جائیں گی تاکہ عوام کو محفوظ اور معیاری طبی سہولیات فراہم کی جا سکیں۔
