ضلع جہلم میں جنرل الیکشن کے حوالے سے جامع لائحہ عمل تیار کر لیا گیا ہے، ڈسٹرکٹ ریٹرننگ آفیسر

جہلم: جنرل الیکشن کے حوالے سے جامع لائحہ عمل تیار کر لیا گیا ہے، تمام ضروری اقدامات بروقت مکمل کئے جائیں گے تاکہ اس قومی ذمہ داری کو احسن طریقے سے پایہ تکمیل تک پہنچانے میں کوئی روکاوٹ در پیش نہ آئے۔

یہ بات ڈپٹی کمشنر جہلم/ ڈسٹرکٹ ریٹرننگ آفیسر جہلم کیپٹن (ر) سمیع اللہ فاروق نے سرکاری کالجز کے پرنسپل کے ساتھ اجلاس میں کہی۔ ڈپٹی کمشنر نے کہا کہ الیکشن کی ڈیوٹی میں سب سے بڑی تعداد محکمہ ایجوکیشن کے ملازمین کی ہے جبکہ اکثر پولنگ سٹیشن بھی سکولوں کالجوں میں بنائے جا رہے ہیں۔

انہوں نے کہا کہ اس لئے شرکاء اجلاس اپنے تجربے کی روشنی میں الیکشن کے حوالے سے مسائل و ضروریات پر تجاویز بھی پیش کریں تاکہ انتظامات کو مزید بہتر بنایا جا سکے۔