پنڈدادنخان بار ایسوسی ایشن کو صوبائی وزیر قانون کی جانب سے 25 لاکھ روپے گرانٹ کا چیک فراہم کیا گیا۔
تفصیلات کے مطابق صوبائی وزیر قانون صہیب بھرتھ کی جانب سے پنڈدادنخان بار ایسوسی ایشن کے لیے 25 لاکھ روپے گرانٹ کا چیک فراہم کیا گیا۔ یہ چیک بار ایسوسی ایشن کے جنرل سیکرٹری راجہ اخلاق احمد ایڈووکیٹ اور صدر چوہدری سوہندہ خان نے وصول کیا۔
اس اہم موقع پر سابق صدر بار چوہدری خضر حیات ایڈووکیٹ اور سینئر وکیل مرزا مظہر محمود بیگ ایڈووکیٹ بھی موجود تھے، جنہوں نے اس اقدام کو بار اور وکلا برادری کے لیے خوش آئند قرار دیا۔
تقریب میں صوبائی وزیر قانون کی خصوصی دعوت پر سابق ایم پی اے چوہدری حاجی ناصر محمود للِہ نے بھی شرکت کی۔ انہوں نے بار ایسوسی ایشن کو دی گئی مالی معاونت کو خطے میں قانونی سہولیات کے فروغ کے لیے ایک مثبت قدم قرار دیا۔
وکلا برادری نے صوبائی وزیر قانون کے تعاون پر ان کا شکریہ ادا کیا اور امید ظاہر کی کہ ایسے اقدامات مستقبل میں بھی جاری رہیں گے۔
