جہلم: ضلعی انتظامیہ اور متعلقہ محکموں کی عدم توجہی کی وجہ سے جہلم شہر سمیت چاروں تحصیلوں اور اس کے گردو نواح میں استعمال شدہ موبل آئل کو دوبارہ ری سائیکل کرکے بااثر مافیا آٹو سٹورز اور موٹر سائیکل مکینکوں کے پاس دوبارہ فروخت کرنے میں مصروف جس سے لوگوں کی لاکھوں ،کروڑوں روپے مالیت کی گاڑیوں موٹر سائیکلوں کو نقصان پہنچنے لگا۔
ملٹی نیشنل کمپنیوں اور ضلعی انتظامیہ نے اس حوالے سے مکمل خاموشی اختیار کررکھی ۔ جہلم، دینہ، سوہاوہ اور پنڈدادنخان کی عوام کو جعلی موئل آئل مافیا کے رحم و کرم پر چھوڑ دیا ہے۔
شہرکے عوامی اور سماجی حلقوں نے کمشنرراولپنڈی ، ڈپٹی کمشنر جہلم سے پرزور مطالبہ کیا ہے کہ جعلی موئل آئل فروخت کرنے والے مافیاز کو کیفر کردار تک پہنچانے کے لیے اپنا کردار ادا کریں تاکہ شہری اپنی گاڑیوں کو ناکارہ ہونے سے بچاسکیں۔
