پنڈدادنخان کے نواحی علاقہ 2 لڑکے برساتی پانی میں ڈوب کر جاں بحق ہو گئے۔
تفصیلات کے مطابق جہلم کی تحصیل پنڈدادنخان کے علاقے کرولی روڈ ڈھوک برز/ڈھوک فتح محمد میں برساتی پانی سے بننے والے ایک تالاب میں ڈوبنے سے دو لڑکے جاں بحق ہو گئے۔ ریسکیو 1122 کے مطابق اطلاع ملتے ہی امدادی ٹیم موقع پر پہنچ گئی، تاہم مقامی افراد متاثرین کو پہلے ہی پانی سے نکال چکے تھے۔
ریسکیو ذرائع کے مطابق دونوں لڑکے کھیلتے ہوئے برساتی پانی کے تالاب میں اتر گئے، جہاں گہرے گڑھے اور دلدل نما کیچڑ میں پھنس کر ڈوب گئے۔ واقعے کی اطلاع ملنے پر ریسکیو ٹیم فوری طور پر موقع پر پہنچی اور دونوں متاثرین کو ابتدائی طبی امداد اور سی پی آر دینے کے بعد رورل ہیلتھ سینٹر (RHC) للِہ منتقل کیا گیا۔
جاں بحق ہونے والوں کی شناخت 9 سالہ محسن ولد اسلم اور 17 سالہ اخلاق ولد شہادت ساکنائے سکنہ کرولی روڈ ڈھوک برز سے ہوئی۔
ریسکیو حکام کے مطابق ہسپتال پہنچنے پر ڈاکٹروں نے دونوں لڑکوں کے جاں بحق ہونے کی تصدیق کر دی، جس کے بعد میتیں ان کے اہل خانہ کے حوالے کر دی گئیں۔
