دینہ میں ٹریفک کے دو مختلف حادثات میں 51 سالہ شخص جاں بحق اور 2 نوجوان زخمی ہو گئے۔
تفصیلات کے مطابق جہلم کی تحصیل دینہ میں کالووال روڈ پر 2 مختلف ٹریکٹر ٹرالیوں اور موٹرسائیکلوں کے مابین تصادم سے 51 سالہ شخص جاں بحق اور 2 نوجوان زخمی ہو گئے۔ زخمیوں میں سے ایک نوجوان کی حالت تشویشناک بتائی جا رہی ہے۔
پہلا حادثہ کالووال روڈ کے قریب اس وقت پیش آیا جب ایک موٹر سائیکل اور ٹریکٹر ٹرالی کے درمیان خوفناک تصادم ہوا، جس کے نتیجے میں دینہ کے نواحی علاقے کا رہائشی 51 سالہ موٹر سائیکل سوار جمیل احمد موقع پر ہی دم توڑ گیا۔ ریسکیو 1122 کی ٹیم نے لاش کو فوری طور پر رورل ہیلتھ سنٹر (RHC) دینہ منتقل کر دیا۔
@jhelumupdates جہلم: دینہ میں ٹریفک کے 2 افسوسناک حادثات #Jhelum #Dina #JhelumUpdates #pageforyou #جہلم #PakistanNews #News #foryoupage❤️❤️ #Pakistan #JhelumNews #breakingnews #DinaNews ♬ original sound – Jhelum Updates
دوسرا حادثہ کالووال روڈ پر پیش آیا، جہاں ایک اور موٹر سائیکل اور ٹریکٹر ٹرالی میں تصادم ہوا۔ اس حادثے میں 22 سالہ اویس شدید زخمی ہوا جبکہ اس کے ساتھی 22 سالہ رومان کو معمولی چوٹیں آئیں۔
ریسکیو ٹیم نے فوری طور پر زخمیوں کو ابتدائی طبی امداد کے بعد ڈسٹرکٹ ہیڈ کوارٹر ہسپتال (ڈی ایچ کیو) جہلم منتقل کیا، جہاں اویس کی حالت نازک بتائی جا رہی ہے۔
