جہلم: آئیسکو رورل سب ڈویژن میں بطور لائن سپرنٹنڈنٹ خدمات سر انجام دینے والے معروف لیبر لیڈر ملک عبدالجبار اعوان مدتِ ملازمت مکمل ہونے پر باعزت طریقے سے ریٹائر ہو گئے۔
آئیسکو سرکل جہلم کے سپرٹنڈنگ انجینئر مسعود احمد برزا نے رورل واپڈا سب ڈویژن کے ریٹائر ہونے والے لائن سپرنٹنڈنٹ مزدور رہنما ملک عبدالجبار اعوان کی ریٹائرمنٹ کے موقع پر ایک نجی میرج ہال میں منعقدہ الوداعی تقریب میں گفتگو کرتے ہوئے کہا کہ ریٹائرمنٹ کو خدا کی طرف سے ایک بڑی نعمت قرار دیتے ہوئے کہا گیا کہ ایک سرکاری ملازم اپنی زندگی کا طویل اور قیمتی حصہ محکمے اور صارفین کی خدمت میں صرف کرتا ہے۔
مسعود احمد نے مزید کہا کہ ملک عبدالجبار اعوان نے آئیسکو میں ایک طویل عرصہ خدمات سر انجام دیں اور اپنی ذمہ داریاں نہایت محنت اور ایمانداری کے ساتھ نبھائیں، جس پر انہیں خراج تحسین پیش کیا جاتا ہے۔
تقریب میں آئیسکو سرکل جہلم کے افسران اور ملازمین کی بڑی تعداد موجود تھی۔ تقریب کے اختتام پر سپرٹنڈنگ انجینئر مسعود احمد برزا نے آئیسکو سرکل جہلم کے افسران و ملازمین کی جانب سے ریٹائر ہونے والے مزدور رہنما ملک عبدالجبار اعوان کو یادگاری شیلڈ، تحائف اور گلدستے پیش کیے۔
