دینہ: وزیر اعلیٰ پنجاب مریم نواز شریف آئندہ چند روز میں دینہ کا دورہ کریں گی جہاں وہ رورل ہیلتھ سنٹر دینہ میں نئی تعمیر شدہ بلڈنگ کا افتتاح کریں گی۔ اس بلڈنگ میں "مریم نواز ہیلتھ کلینک” بھی شامل ہے، جس کی تیاریوں کو حتمی شکل دی جا رہی ہے۔
وزیر اعلیٰ پنجاب کے متوقع دورے کے سلسلے میں صفائی ستھرائی اور دیگر انتظامات زور و شور سے جاری ہیں۔ متعلقہ ادارے اور ضلعی انتظامیہ اس موقع پر سیکیورٹی اور دیگر سہولیات کے حوالے سے جامع حکمت عملی مرتب کر رہی ہے۔
یاد رہے کہ وزیر اعلیٰ پنجاب مریم نواز شریف نے رورل ہیلتھ سنٹر دینہ کی نئی بلڈنگ کی تعمیر کے لیے 7 کروڑ روپے کے فنڈ کی منظوری دی تھی، جس کا کام مکمل ہو چکا ہے۔ اب اس جدید طبی مرکز کا افتتاح وزیر اعلیٰ خود کریں گی۔
اس کے ساتھ ساتھ "مریم نواز ہیلتھ کلینک” میں بھی تعمیراتی کام تیزی سے جاری ہے، جہاں عوام کو جدید اور معیاری طبی سہولیات فراہم کی جائیں گی۔
